«Моана» фильмінің тұсаукесері: мұхит шақырса да, бұрынғыдай емес
Полинезиялық мифология қайта жанданды, бірақ енді ол ойын фильмінде әрі нағыз Дуэйн Джонсонмен бірге оралмақ
Қазақстан прокатына бір ай кешігіп «Моананың» ойын ремейкі де келіп жетті. Chaplin Cinemas кинотеатрында өткен тұсаукесерде ұйымдастырушылар көрерменге тәттілер ұсынып, балаларға тасқа сурет салудан шеберлік сабақтарын өткізіп, сондай-ақ мультфильм стиліндегі бірнеше фотозона орнатып түпнұсқаның рухын сезіндіруге тырысты.
Алайда, өкінішке қарай, фильм бұл үмітті ақтай алмады, себебі мультфильмді кадр сайын дерлік қайталаған ойын ремейкі түпнұсқаның бар тартымдылығы мен сиқырын жоғалтты. Түпнұсқа небәрі он жыл бұрын шығып, талай баланың сүйікті туындысына айналды. 2024 жылы жарық көрген анимациялық сиквел тіпті хит болып, әлемдік прокатта миллиард доллардан астам табыс тапты.
Енді міне, ешкімге қажет болмай қалған ностальгиялық ойын фильмі шықты. Бюджеті 250 млн доллар болғанына қарамастан, ол әлемдік прокатта сәтсіздікке ұшырап, әзірге небәрі 282 млн доллар жинады.
Екі мультфильмде Мауиді дыбыстаған Дуэйн Джонсон бұл жолы кейіпкерді өзі сомдады. Бірақ Мауи бұрынғыдай көңілді әрі қызықты болып шықпады. Басты рөлді сомдаған Кэтрин Лагаайяны сыншылар ойынында эмоция мен харизма жетіспегені үшін, ал фильмді жансыздығы, рухсыздығы және арнайы эффектілерді шамадан тыс пайдаланғаны үшін сынады. Абырой болғанда, мультфильмнен айнытпай алынған әндер бар. Солардың арқасында жаңдай құтқарылып, қайтадан шытырман оқиғаға шақырады.
Отбасымен көруге арналған ірі студиялық жобалардың бәрі секілді, «Моана» да қазақ тіліне дубляждалған. 13 тамыздан бастап Мұхит пен Моана сіздерді қайтадан кинотеатрға шақырады.
Сурет: Станислав Климанов ( KinoMania)